Asasasasas

د اننګو پرخه : رحيمه پشتونجار

11.12.2012 12:30

 

غزل

وچه چیرته مه شه د ګلاب د اننګو پرخه

مسته چې شي پیغله دشباب د اننګو پرخه

غر به دړې وړې شي په دنګو ، دنګو څوکو کې

رنګ که د پښتون سور شي عناب د اننګو پرخه

رنګ ېې شو بدل د میو پریوته له لپو نه

جام ته په سلګو شوه د شراب د اننګو پرخه

مینې د غزل توري په تار د وفا وپيئه

ژاړي دې نغمو ته اوس رباب د اننګو پرخه

تاته دې منظر کې فلسفې د هجران څه ویل

ډوبه شوه په کرښو کې کتاب د اننګو پرخه

رپ

 


ستاسو تبصره


لطفاً لاندې افغانستان په انګليسي تورو وليکئ.